السلام عليكم ورحمة الله وبركاته
الشرح
هو نفس اللكلوك ده بس بلون تانى
البداية هنعمل سلاسل مقاسها مناسب لقدم البيبى وعشان نحدد مقاس السلاسل لاى حذاء اى مقاس سواء كبير او صغير
بنقيس طول القدم وعرضها ونطرح العرض من الطول والناتج هنعمل قده سلاسل
يعنى لو مثلا قدم النونو 15 سم طول وعرضها 5 سم هنعمل 10 سم من السلاسل يعنى نعمل سلاسل ونقيس على مسطرة مثلا او مازورة لحد ما نوصل 10 سم سلاسل
وعشان الشكل النهائى يناسب شكل القدم من تحت وهو
عريض من عند الاصابع واقل فى العرض من عند الكعب ولذلك هنشتغل النصف الامامى بغرزة العمود والنصف الخلفى بغرزة الحشو لانها اقصر فى الطول وده فى السطر الاول بس
اول سطر هنشتغل داير ما يدور السلاسل عشان نعمل شكل بيضاوى وده هنعمله ازااااااااااى ؟؟؟؟؟؟؟
طريقة عمل القاعدة البيضاوية للحذاء
.ღ。☻/ღ˚ •。* ♥♥˚ ˚✰˚˛★*
بعد عمل السلاسل حسب المقاس وهو هنا للبيبى وهنعمل 16 سلسلة
السطر الاول :هنطلع بسلسلة ارتفاع السطر ثم نعمل فى كل سلسلة حشو لحد السلسلة رقم8ومن السلسلة رقم 9 هنعمل فى كل غرزة عمودبلفة لحد اخر سلسلة هنعمل فيها 6 عمود ونلف الناحية التانية ونعمل عمود مقابل كل عمود لحد ما نوصل للسلسلة اللى فيها اول حشو نكمل السطر بغرزة الحشو وفى اخر سلسلة اللى بدأنا منها اصلا هنعمل فيها 2حشو ونقفل بمنزلقة فى الحشو الاولى اللى بدأنا بيها السطر يبئى فى اخر غرزة من ناحية الحشو 3 غرز
السطر التانى :خلاص هنشتغل كله عمود بلفة على مدار السطر كل غرزة هنعمل فيها عمود واحد ما عدا اطرف البيضاوى هنعمل فى كل غرزة عمودين يعنى ناحية الامام هنعمل 12 عمود فى ال6 عمود وناحية الكعب هنعمل 6 عمود فى التلاتة حشو
السطر التالت :
هنشتغل فى كل غرزة عمود واحد ما عدا الاطراف ناحية الامام هنعمل فى ال12 عمود مرة عمودين ومرة ع واحدوالناتج 18 عمود فى النص دايرة فى الامام
وبردو ناحية الكعب هنعمل مرة عمودين ومرة عمود واحد والناتج 9 عمود ناحية الكعب
وباقى السطر عمود فى عمود
والصورة اعلاه بتوضح الشكل اللى وصلنا له لحد السطر التالت
الجناااااااااب
.ღ。☻/ღ˚ •。* ♥♥˚ ˚✰˚˛★*
فى الصورة اعلاه هنبدأ نعمل الجناب بتاعة الكلوك وهى عبارة عن سطور بنشتغلها من غير زيادة فى الاطراف يعنى على مدار السطر بنعمل غرزة واحدة فى كل غرزة
وفى الشكل ده عملنا سطرين عمود بللون الابيض
وسطر حشششششششو باللون الاحمر وسطر حششششششو باللون الابيض تانى
يعنى وصلنا للسطر رقم7
ملحوظة هاااااااااااامة
.ღ。☻/ღ˚ •。* ♥♥˚ ˚✰˚˛★*
بعد ما نخلص الجناب نرجع تانى لنهاية السطر التالت وبداية الرابع وامسكهم واتنيهم بايدى واشتغل على حرف السطر التالت غرزة حشو داير ما يدور السطر كله هيعمل حرف بارز للقاعدة بشكل شيك ونظيف شوفوا الصورة التالية
الشرح مكتوب على الصورة هنبدأ نشتغل فى باقى خطوات الاجناب العالية باللو نالاحمر او الوردى بعد ما نسيب 14 غرزة فى الجزء الامامى من غير شغل هنشتغل عليهم اللسان بعد كده
فى الصورة اعلاه هنشتغل الجزء الوردى وهنعمل العراوى اللى هندخل فيها الرباط عشان كده كل سطر هننقص غرزة او اتنين عشان فى النهاية نوصل لسطر مقاسه على قد ساق البيبى عند الكاحل يعنى اصغر من القاعدة طبعا وطريقة العراوى موضحة فى الصورة وعليها الشرح
اللسااااااااااااااان
.ღ。☻/ღ˚ •。* ♥♥˚ ˚✰˚˛★*
لعمل الجزء الامامى واللسان هنشتغل باللو ن الابيض 4 سلسلة ونعمل فى اول سلسلة منهم 7 ع بلفة ثم نقلب الشغل ونطلع ب 3سلسلة ارتفاع السطر وبدل اول عمود ونكمل النص الدايرة بعمودين فى كل عمود ما عدا اول عمود هنعمل واحد بس لاننا عملنا 3س بدل اول عمود والناتج 14 عمود بلفة
ثم نقلب السطر ونرتفع بسلسلة واحدة لاننا هنكمل السطر بغرزة الحشو
ثم نقطع الخيط الابيض ونربط الاحمر من الناحية الدوغرى ونشتغل اعمدة على طول السطر وفى الصورة اسفله معمول 11 عمود بلفة ثم نقلب الشغل ونعمل على الظهر ع فى كل ع ونكرر السطر ده لحد ما نوصل لارتفاع الجناب الحمراء او الوردى وهنا والى 10 سطور يمكن اقل او اكتر سطر
وفى الجزء الاخير من الصورة هنلاقى الابرة والخيط اللى هنخيط بيهم الجزء ده بتاع اللسان فى الجزء الامامى من القاعدة والجناب
وده يفكرنا احنا ليه عملنا 7 عمود فى بداية النص دايرة بتاعة السان عشان احنا سيبنا 14 غرزة من غير شغل
الحلية
.ღ。☻/ღ˚ •。* ♥♥˚ ˚✰˚˛★*
بعد كده هنعمل الحلية اللى فى جنب الحذاء ومش هنقول وردة لانه صبيانى
هنعمل 5 سلسلة ونقفل بمنزلقة ونعمل فيهم من 12 ل 14 عمود حسب ماتاخد مننا وتانى سطر حشو بللون الابيض طبعا
وهنشتغل فيها بالابرة والخيط الاحمر الغرز دى زى غرزة السلسلة بس واسعة شوية
وبعد كده هنثبتها بالابرة والخيط فى جانب الحذاااء
وكده فاضل بس
الربااااااااااااط
.ღ。☻/ღ˚ •。* ♥♥˚ ˚✰˚˛★*
هنعمل سلسلة بالطول المطلوب ونشتغل عليها سطر حشو بطول السلسة
وندككها فى الحذاء
.ღ。☻/ღ˚ •。* ♥♥˚ ˚✰˚˛★*
وكده خلص الشرح اتمنى يكون واضح وسهل
ومتنسونيش من صالح دعائكم
__________________________
محتوي الموضوع مقدم من معلومه صح
لكل ماهو جديد وممتع
اخبار,مقالات,معلومات,هل تعلم,غرائب وعجائب,اسلاميات,ازياء وموضه<
,طفوله وامومه,مطبخ,تكنولوجيا,هي وهو,كليه الشرطه,اختبارات الكليه,هيئه,رياضي<
شو نوع الخيط
ردحذفشو نوع الخيط
ردحذف